Baunjun Iwak Saluang

Wayahini aur hujan tarus harinya,, maka pina baguntur-guntur ha  pulang. Nangapang cuaca kada tapi kawa di tangguh lagi, Ada pang sumalam baunjun ka balakang rumah, kabalujuran hari pina cerah haja artinya kada panas wan pina naung-naung mintu ah, disana ada susungaian tambus tuju ka pahumaan.  Surang ni manyambatnya dukuh, lantaran banyak pupuhunan nangkaya tiwadak, kasturi, lasat, manggis, macam-macam ae lagi. Pas jua imbah bulik bagawi sampat manukar umpan kalut, tulak ae kikira jam 4 an i-imbah ashar. 

Kada sa'apa hanyar maulur ka kawat sudah mamatuk, tagal am nang manjuhut iwak saluang, istilah maunjun di pancur(sungai halus) nang banyunya pina landas banyak ae iwak jenis saluang atawa puyau. Umaa.... bilang kada kasisitan tupang iwaknya.. tagal ada jua tr

iknya sakira mau banyak kulihi saluang ni. Biasanya surang nih rancak bila maunjun saluang musti kada batimbarat (timah). Dijamin kada kasisitan tupank buhannya ae.. Hari sudah bamula sanja, bagasak ae manyimpuni ka kawat, malihat ka ember pina lumayan haja pank sudah iwaknya.. Malamnya di sanga karing-karing, ulahakan cacapan bawang , makanan sakaluargaan,,Sapadang sanakan baucap " UMA NYAMAN NYAAAAA" 

Ayuha ,,,, nintu haja sudah pangalaman surang,, kena mun ada kesah nang lain kawa haja pulang di habarakan wadah sampian... hehehe